09.10.2026 | 13:56
ԱԱԾ-ն հերքում է ադրբեջանցիների ներթափանցումը Սյունիք
Թուրքիան, Ադրբեջանն ու Վրաստանը հոկտեմբերին զորավարժություններ կանցկացնեն
Քաղաքականություն
28.09.2022 | 18:33
Ադրբեջանի ԶՈՒ Գլխավոր շտաբի պետ, գեներալ-գնդապետ Քերիմ Վելիևը Վրաստան կատարած պաշտոնական այցի շրջանակում հանդիպել է այդ երկրի պաշտպանության ուժերի հրամանատար, գեներալ-մայոր Գիորգի Մատիաշվիլիի հետ, գրում են ադրբեջանական լրատվամիջոցները։
Հանդիպման ընթացքում ընդգծվել է ինչպես երկկողմ, այնպես էլ Ադրբեջան-Վրաստան-Թուրքիա եռակողմ ձևաչափով, ինչպես նաև ՆԱՏՕ-ի շրջանակում համատեղ վարժանքների և համաժողովների անցկացման կարևորությունը։
Քննարկվել են այս տարվա հոկտեմբերին Ադրբեջանի, Թուրքիայի և Վրաստանի զինվորականների մասնակցությամբ «Կովկասյան արծիվ-2022» համատեղ զորավարժությունների նախապատրաստական աշխատանքները, ինչպես նաև «Հավերժություն-2023» հրամանատարաշտաբային զորավարժությունների բարձր մակարդակով կազմակերպումը, որը նախատեսվում է անցկացնել հաջորդ տարի։
Հաղորդվում է, որ կողմերը նաև քննարկել են տարածաշրջանում խաղաղության և անվտանգության ապահովման հարցեր, երկու երկրների միջև ռազմական համագործակցության ներկա իրավիճակը և զարգացման հեռանկարները։
Էմմա Չոբանյան
