09.10.2026 | 21:27
ՀՀ-ն զգալի առաջընթաց է արձանագրել վիզաների ազատականացման ոլորտում․ ԵՄ գնահատման 2-րդ առաքելությունը ՀՀ-ում է
«Հյուսիսային հոսք» և «Հյուսիսային հոսք 2» գազատարները մեկընդմիշտ ոչնչացվել են․ ԶԼՄ-ներ
Քաղաքականություն
28.09.2022 | 19:41
Գերմանիայի անվտանգության ծառայությունները ենթադրում են, որ «Հյուսիսային հոսք» և «Հյուսիսային հոսք 2» գազատարների երեք ճյուղերը, որոնք տուժել են ենթադրյալ դիվերսիայի հետևանքով, այնպիսի լուրջ վնասներ են կրել, որ այլևս շահագործման համար պիտանի չեն լինի, գրում է DW-ի ռուսական ծառայությունը։
Եթե դրանք արագ չվերանորոգվեն, մեծ քանակությամբ աղի ջուր կմտնի խողովակների մեջ, ինչը կոռոզիա կառաջացնի, գրում է գերմանական Der Tagesspiegel թերթը՝ վկայակոչելով գերմանական կառավարական շրջանակներում իր աղբյուրներին։
Ինչպես Եվրահանձնաժողովը, այնպես էլ Գերմանիայի անվտանգության մարմինները և Գերմանիայի Դաշնային հետախուզական ծառայությունը կատարվածը համարում են դիվերսիա։
Ենթադրվում է, որ «Հյուսիսային հոսք» և «Հյուսիսային հոսք 2» գազատարների երեք ճյուղերը տուժել են կանխամտածված պայթյուններից, քանի որ անցքերի չափերը մեծ են, խողովակաշարերում էլ ճնշման անկման արագությունը բարձր է եղել։ Ուստի, վարկածներից մեկի համաձայն՝ ջրասուզակները պայթուցիկներ են ամրացրել խողովակների վրա։
Էմմա Չոբանյան
