23.03.2026 | 20:51
Telcell Terminal-ներով այժմ հնարավոր է կատարել բանկային հաշիվների և քարտերի համալրում միայն նույնականացման միջոցով
Այն թուղթը, որը Տեր-Պետրոսյանը կարդաց հարցազրույցի ժամանակ, մենք չենք տեսել․ Քոչարյան․ ՏԵՍԱՆՅՈՒԹ
Քաղաքականություն
28.09.2022 | 16:35
Այն թուղթը, որ ինքը (ՀՀ առաջին նախագահ Լևոն Տեր Պետրոսյանը) իր հարցազրույցի ժամանակ կարդացել է, մենք չենք տեսել, և այդպիսի բան մեզ չի ներկայացվել: Չի եղել: Այս մասին այսօր հրավիրված ասուլիսի ժամանակ նշեց ՀՀ Երկրորդ նախագահ Ռոբերտ Քոչարյանը՝ անդրադառնալով նախագահների և Վեհափառի հանդիպմանը և ՀՀ առաջին նախագահ Լևոն Տեր-Պետորսյանի առաջարկին։
Ուղղակի նա գուցե այդ բովանդակությունը փորձել է որպես տեսակետ մեզ արտահայտել, բայց մենք այնտեղ չենք քննարկել երկու հայտարարություններ:
«Քանի որ տարաձայնությունը երևաց, որ բավական խորն է, ուղղակի միանգամից առաջարկ եղավ մի հայտարարություն անել, որը դուռը բաց կպահի այդ ֆորմատի աշխատանքի շարունակության համար:
Մենք երկու հայատարություններ չենք դրել, սա է իրականությունը և, կներեք, ես չեմ կարող մանրամասների մասին խոսել»,- նշեցՔոչարյանը:
Հիշեցնենք՝ օրեր առաջ՝ սեպտեմբերի 22-ին հանդիպում էր տեղի ունեցել Ն․Ս․Օ․Տ․Տ․ Գարեգին Երկրորդ ամենայն հայոց կաթողիկոսի և ՀՀ նախագահներ Լևոն Տեր-Պետրոսյանի, Ռոբերտ Քոչարյանի, Սերժ Սարգսյանի, ինչպես նաև ԼՂՀ նախագահներ Արկադի Ղուկասյանի և Բակո Սահակյանի միջև, որի ընթացքում, ըստ հաղորդագրության՝ կայացել էր «շահագրգիռ քննարկում Հայաստանում ստեղծված իրավիճակի առնչությամբ և որոշում էր կայացվել շարունակել հանդիպումները»։
Ավելի վաղ՝ «Մոսկվա» կինոթատրոնի կարմիր դահլիճում Ռոբերտ Քոչարյանը փակ հանդիպում էր ունեցել իր մի խումբ համախոհների հետ։
Մանրամասները՝ տեսանյութում։
