09.10.2026 | 21:27
ՀՀ-ն զգալի առաջընթաց է արձանագրել վիզաների ազատականացման ոլորտում․ ԵՄ գնահատման 2-րդ առաքելությունը ՀՀ-ում է
Ինքնահռչակ Դոնեցկի և Լուգանսկի հանրապետությունների ղեկավարները մեկնել են Մոսկվա՝ անեքսիան ձևակերպելու համար
Քաղաքականություն
28.09.2022 | 16:07
Ինքնահռչակ Դոնեցկի և Լուգանսկի ժողովրդական հանրապետությունների ղեկավարներ Դենիս Պուշիլինն ու Լեոնիդ Պասեչնիկը մեկնել են Մոսկվա, որպեսզի ավարտին հասցնեն ՌԴ-ի կազմի մեջ մտնելու գործընթացը։ Պուշիլինի մեկնելու մասին հայտնել է ՌԻԱ Նովոստին, իսկ Պասեչնիկինը՝ Լուգանսկի ժողովրդական հանրապետության մամուլի ծառայությունը, գրում է DW-ի ռուսական ծառայությունը։
Մոսկվա մեկնելուց առաջ Պասեչնիկը Telegram-ում հրապարակել է դիմում ՌԴ նախագահ Վլադիմիր Պուտինին՝ խնդրելով դիտարկել «Լուգանսկի Ժողովրդական Հանրապետությունը» Ռուսաստանին «որպես Ռուսաստանի Դաշնության սուբյեկտ» միացնելու հարցը։
Պուտինին ուղղված նմանատիպ նամակ է հրապարակել նաև Խերսոնի շրջանի օկուպացիոն իշխանությունների ղեկավար Վլադիմիր Սալդոն։
Զապորոժիեի շրջանի օկուպացիոն «վարչակազմի» ներկայացուցիչ Վլադիմիր Ռոգովն ասել է, որ այս շրջանը նույնպես մտադիր է այսօր նույն խնդրանքով դիմել ՌԴ նախագահին։
Տաթև Ֆռանգյան
