19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Չեմ կարծում, որ այս պահին ճիշտ է Միութենական պետության կազմում լինել. Քոչարյան․ ՏԵՍԱՆՅՈՒԹ
Քաղաքականություն
28.09.2022 | 12:30
«Չեմ կարծում, որ այս պահին ճիշտ է Միութենական պետության կազմում լինել»,- այսօր հրավիրված ասուլիսի ժամանակ այս մասին նշեց ՀՀ երկրորդ նախագահ Ռոբերտ Քոչարյանը։
«Ես առաջարկում եմ Իրանին ներգրավել Հայաստանի անվտանգության ճարտարապետության մեջ։ Պետք է իրավիճակը գնահատես և այնպիսի լուծումներ առջարկես, որը կչեզոքացնի առաջացած պրոբլեմը»,- ասաց ՀՀ երկրորդ նախագահը։
«Չեմ կարծում, որ ես առիթ եմ տվել մտածելու, թե առաջարկում եմ միանալ Միութենական պետությանը։ Մեկ տարի առաջ ևս այդ հարցին տված իմ պատասխանն անորոշ է եղել, որովհետև համարում եմ, որ բոլոր կոմպոնենտները պետք է հաշվի առնել, չբացառել ոչինչ, եթե դա լուծում է քո անվտանգության խնդիրը»,- նշեց Քոչարյանը։
Հիշեցնենք՝ օրեր առաջ՝ սեպտեմբերի 22-ին հանդիպում էր տեղի ունեցել Ն․Ս․Օ․Տ․Տ․ Գարեգին Երկրորդ ամենայն հայոց կաթողիկոսի և ՀՀ նախագահներ Լևոն Տեր-Պետրոսյանի, Ռոբերտ Քոչարյանի, Սերժ Սարգսյանի, ինչպես նաև ԼՂՀ նախագահներ Արկադի Ղուկասյանի և Բակո Սահակյանի միջև, որի ընթացքում, ըստ հաղորդագրության՝ կայացել էր «շահագրգիռ քննարկում Հայաստանում ստեղծված իրավիճակի առնչությամբ և որոշում էր կայացվել շարունակել հանդիպումները»։
Ավելի վաղ՝ «Մոսկվա» կինոթատրոնի կարմիր դահլիճում Ռոբերտ Քոչարյանը փակ հանդիպում էր ունեցել իր մի խումբ համախոհների հետ։
Մանրամասները՝ տեսանյութում։
