09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
ՌԴ-ի կողմից օկուպացված Ուկրաինայի շրջաններում իշխանությունները հայտնում են «հանրաքվեի» հաջողության մասին
Քաղաքականություն
28.09.2022 | 12:59
ՌԴ-ի կողմից օկուպացված ուկրաինական շրջանների իշխանությունները հայտարարել են Ռուսաստանին միանալու հարցով «հանրաքվեների» հաջող անցկացման մասին։ Ինքնահռչակ Լուգանսկի և Դոնեցկի հանրապետությունների, ինչպես նաև Զապորոժիեի մարզի գրավված հատվածի իշխանությունները հայտարարել են քվեարկության գրեթե 100 տոկոսանոց «այո» արդյունքի մասին:
BBC-ի ռուսական ծառայությունը հայտնում է, որ Խերսոնի մարզի օկուպացիոն իշխանություններն ավելի համեստ ցուցանիշ են ներկայացրել՝ 87,05%։
Նկատենք, որ Կիևը և արևմտյան երկրները վաղուց են հայտարարել, որ օկուպացված տարածքներում զենքի ուժով անցկացվող քվեարկությունը չեն ճանաչի, իսկ պատժամիջոցներն է՛լ ավելի կխստացնեն։
Չնայած սրան՝ ռուս պաշտոնյաները բազմիցս հայտարարել են, որ Դաշնության կազմ մտնելուց հետո այդ տարածքների նկատմամբ հարվածը կդիտարկվի որպես հարձակում Ռուսաստանի նկատմամբ։
Նշենք, որ հանրաքվեների մասին հայտարարելուց հետո ՌԴ-ում մեկնարկել է մասնակի զորահավաք, որի դեմ բազմահազարանոց ինքնաբուխ բողոքի ակցիաներ են ընթանում երկրի տարբեր հատվածներում, որոնք բռնի ուժի կիրառմամբ ցրվում են։ Զորակոչային տարիքի տասնյակ հազարավոր ռուսաստանցիներ լքել են երկիրը։ ՌԴ-ի հետ հարևան երկրների սահմաններին մարդկանց աննախադեպ կուտակումներ են, իսկ ավիատոմսերի գները տասնյակ անգամներ թանկացել են։
Տաթև Ֆռանգյան
