21.04.2026 | 23:25
Եթե յուրաքանչյուրին ձայնագրես, ամեն մեկը մի բան կասի. Կարապետյանը՝ «շուն ու շանգյալ» բնորոշման մասին. ՏԵՍԱՆՅՈՒԹ
Սպիտակ տունը մեկնաբանել է ՌԴ-ում ընթացող մոբիլիզացիան և Ուկրաինայի օկուպացված շրջաններում «հանրաքվեները»
Քաղաքականություն
27.09.2022 | 14:37
Սպիտակ տան մամուլի քարտուղար Կարին Ժան-Պիերը ճեպազրույցի ժամանակ հայտարարել է, որ Ուկրաինայի գրավյալ տարածքներում, այսպես կոչված, «հանրաքվեները միջազգային իրավունքի կոպտագույն խախտում են», գրում է VOA-ն։
«Դուք դա անմիջականորեն լսել եք Միացյալ Նահանգների նախագահից անցյալ շաբաթ ՄԱԿ-ի Գլխավոր վեհաժողովում: Սա ինքնիշխանության և տարածքային ամբողջականության սկզբունքների խախտում է, որոնք ընկած են միջազգային համակարգի և ՄԱԿ-ի կանոնադրության հիմքում»,- ասել է նա։
Պատասխանելով Ռուսաստանում մոբիլիզացիայի մասին լրագրողների հարցին՝ Կարին Ժան-Պիերն ընդգծել է, որ ԱՄՆ-ը սահման է գծում Կրեմլի և Ռուսաստանի քաղաքացիների գործողությունների միջև։
«Մենք հստակ տարբերություն ենք դնում Ուկրաինայում Ռուսաստանի կառավարության, նրա զինված ուժերի գործողությունների և Ռուսաստանի քաղաքացիների միջև, որոնցից շատերը դեմ են արտահայտվել այս անարդար պատերազմին։ Մենք տեսնում ենք, որ ընդդեմ մոբիլիզացիայի բողոքի ցույցերը շարունակվում են Ռուսաստանում։ Այսպիսով, ցանկացածը, ով հետապնդումների է ենթարկվում, անկախ ազգությունից՝ կարող է ԱՄՆ-ում ապաստան ստանալու դիմում ներկայացնել։ Դրանցից յուրաքանչյուրը կդիտարկվի անհատական կարգով»,- հայտարարել է Սպիտակ տան ներկայացուցիչը։
Տաթև Ֆռանգյան
