16.09.2026 | 10:44
Եվրահանձնաժողովն իր զեկույցում անդրադարձել է Հայաստանին․ կլինի՞ ՀՀ-ն 2027թ-ի՝ ԵՄ-ի առաջնահերթություններում
Մեծ Բրիտանիան նոր պատժամիջոցներ է սահմանել ՌԴ-ի դեմ, ցուցակում են նաև ծագումով ադրբեջացի Գոդ Նիսանովն ու Զարահ Ալիևը
Քաղաքականություն
26.09.2022 | 23:14
Մեծ Բրիտանիայի կառավարությունը հայտարարել է Ռուսաստանի դեմ նոր պատժամիջոցների սահմանման մասին, հայտնում է Ինտեֆաքսը։
Նշվում է, որ պատժամիջոցներ են սահմանվել 92 ֆիզիկական անձանց ու կազմակերպությունների դեմ՝ Դոնբասում, Խերսոնում ու Զապորոժիեում «հանրաքվեների» հետ կապված։
Պատժամիջոցների տակ են հայտնվել «IMA-Consulting» գործակալությունը և «Goznak»-ը։ Սահմանափակման միջոցներ են կիրառվել «հանրաքվեների» կազմակերպման համար պատասխանատու մի շարք օլիգարխների, ռուսական խոշոր պետական ընկերությունների թոփ մենեջերների նկատմամբ։
Պատժամիջոցների ցուցակում հայտնվել են Իսկանդեր Մահմուդովը, ադրբեջանցի, հակահայկական լոբբիի գլխավոր կազմակերպիչներից Գոդ Նիսանովը, Զարահ Ալիևը, Իգոր Մակարովը, «Գազպրոմբանկի» 23 բարձրաստիճան աշխատակիցներ, «Սբերբանկի» 16 աշխատակից և «Սովկոմբանկի» 10 ներկայացուցիչ։
Էմմա Չոբանյան
