27.02.2026 | 18:18
Օջալանը նոր ուղերձ է հղել՝ նշելով, որ խաղաղության գործընթացում անհրաժեշտ են օրենքներ
Ղրղզստանը և Ուզբեկստանը սկսում են սահմանների համաձայնեցման գործընթացը
Քաղաքականություն
26.09.2022 | 16:47
Ղրղզստանը և Ուզբեկստանը ստորագրել են արձանագրություն, որը թույլ է տալիս սկսել պետությունների միջև սահմանների համաձայնեցման ընթացակարգը։ Այս մասին ՌԻԱ Նովոստիին հայտնել են Ղրղզստանի նախարարների կաբինետի մամուլի ծառայությունից։
«Ղրղզստանի և Ուզբեկստանի հանրապետությունների ղրղզ-ուզբեկական սահմանի դելիմիտացիայի ու դեմարկացիայի հարցով կառավարական պատվիրակությունները համատեղ նիստի արձանագրություն են ստորագրել, ինչը թույլ կտա սկսել Ղրղզստանի և Ուզբեկստանի պետական սահմանի առանձին հատվածների վերաբերյալ նոր համաձայնագրի նախագծի համաձայնեցման ընթացակարգը»,- ասել է խոսնակը։
Ղրղզստանի և Ուզբեկստանի միջև հարաբերություններն ակտիվացել են 2017 թվականին՝ մոտ մեկ տասնամյակ նկատելի սառեցումից հետո։ Նույն թվականին կողմերը ստորագրել են պետական սահմանի վերաբերյալ միջանկյալ պայմանագիր, ըստ որի՝ երկու երկրների պատմության մեջ առաջին անգամ նկարագրվում էր պետական սահմանագծի շուրջ 85%-ը։ 2017 թվականի հոկտեմբերին փաստաթուղթն ուժի մեջ է մտել։ 2020 թվականի նոյեմբերին կողմերը պայմանավորվել են արագացնել սահմանների սահմանազատման ավարտի գործընթացը։
Սեպտեմբերի 26-ին ստորագրված արձանագրությունը հնարավորություն կտա ավարտին հասցնել սահմանների սահմանազատման գործընթացը։
Տաթև Ֆռանգյան
