06.10.2026 | 10:49
ՊԵԿ-ը քննարկել է հարկային և մաքսային բարեփոխումների հաջորդ փուլը
ՀՀ-ում տնտեսական ակտիվության ցուցանիշի հավելաճը կազմել է 13.9%
Տնտեսություն
26.09.2022 | 14:53
Ընթացիկ տարվա հունվար-օգոստոս ամիսներին նախորդ տարվա նույն ժամանակահատվածի համեմատ Հայաստանում Տնտեսական ակտիվության ցուցանիշի (ՏԱՑ) հավելաճը կազմել է 13.9%․ տեղեկացնում են ՀՀ կառավարությունից։
«Դիտարկվող ժամանակահատվածում տնտեսության ճյուղերն աճել են հետևյալ կերպ.
-ծառայություններ՝ 27.1%,
-շինարարություն՝ 14.2%,
-առևտրի շրջանառություն՝ 13.6%,
-արդյունաբերական արտադրանքի ծավալ՝ 9.2%:
2022թ.-ի հունվար-օգոստոս ամիսներին նախորդ տարվա նույն ժամանակահատվածի համեմատ ՀՀ արտաքին առևտրաշրջանառությունն աճել է 56.2%-ով. արտահանումն աճել է 52.9%-ով, իսկ ներմուծումը՝ 58.2%-ով:
Դիտարկվող ժամանակահատվածում նախորդ տարվա նույն ժամանակահատվածի համեմատ ՀՀ սպառողական շուկայում գներն աճել են 8.4%-ով»,- ասված է հաղորդագրությունում։
