21.04.2026 | 19:15
Պուտինը գիտի՝ ռուսամետ ուժերը ՀՀ-ում իշխանության չեն գա, ուզում է՝ ԱԺ մտնեն, ՌԴ-ի շահերը պաշտպանեն․ Միքայել Զոլյան. ՏԵՍԱՆՅՈՒԹ
Մասնակի մոբիլիզացիայից հետո Ռուսաստանը բախվելու է այդ զորքերը պատրաստելու խնդրին․բրիտանական հետախուզություն
Քաղաքականություն
26.09.2022 | 12:57
Մեծ Բրիտանիայի հետախուզության առավոտյան ամփոփագրում անդրադարձ կա Ռուսաստանում մասնակի մոբիլիզացիային, գրում է BBC-ի ռուսական ծառայությունը։
Նշվում է, որ արդեն տասնյակ հազարավոր ծանուցագրեր են ուղարկվել, պահեստազորայինների առաջին խմբերն էլ սկսել են ժամանել զինվորական բազաներ։ «Հիմա Ռուսաստանը բախվելու է վարչական ու լոգիստիկ խնդիրների՝ կապված զորքերի ուսուցման հետ»,- ասված է ամփոփագրում։
Ի տարբերություն արևմտյան բանակների մեծ մասի՝ ռուսական զինված ուժերը զինվորների համար նախնական ուսուցում են անցկացնում իրենց նշանակված օպերատիվ ստորաբաժանումներում, այլ ոչ թե հատուկ ուսումնական հաստատություններում: Որպես կանոն, յուրաքանչյուր բրիգադում մեկ գումարտակ մնում է կայազորում նորակոչիկներին պատրաստելու համար, եթե մյուս երկուսը տեղակայվում են։ Սակայն խնդրահարույց է այն, որ այդ երրորդ գումարտակներից շատերը տեղափոխվել են Ուկրաինա՝ ռազմաճակատ։
Բրիտանական հետախուզությունը նաև հայտնում է, որ զորակոչիկներից շատերը չունեն ռազմական փորձ։
«Ռազմական հրահանգիչների բացակայությունը և շտապողականությունը, որով Ռուսաստանը սկսել է մոբիլիզացիան, հուշում է, որ զորակոչված զորքերից շատերը կգնան առաջնագիծ նվազագույն պատրաստվածությամբ»,-ասվում է ամփոփագրում։
Էմմա Չոբանյան
