07.08.2026 | 20:13
Վթար՝ պարեկային ծառայության ավտոմեքենայի մասնակցությամբ․ երկու պարեկ տեղափոխվել է հիվանդանոց
Կասկադ համալիրի փոսորակը և հարակից տարածքը կվերադարձվի Երևանին․ քաղաքապետ․ ՏԵՍԱՆՅՈՒԹ
Տնտեսություն
23.09.2022 | 12:55
Երևանի «Կասկադ» համալիրի անավարտ հատվածը՝ փոսորակն իր հարակից տարածքով կվերադարձվի մայրաքաղաքին։ Այս մասին ավագանու նիստում հայտարարեց քաղաքապետ Հրաչյա Սարգսյանը։
Քաղաքապետը տեղեկացրեց, որ այդ հարցի շուրջ համաձայնության են եկել «Գաֆէսճեան» հիմնադրամի հետ, որին փոսորակի և հարակից տարածքը նվիրաբերվել էր Երևանի կողմից 2002-ի մայիսին։
Սարգսյանի խոսքով՝ մտադրություն կա այդ վայրում կառուցել Երևանի Մաշտոցի պողոտայում գտնվող ժամանակակից արվեստի թանգարանի նոր մասնաշենքը, ինչպես նաև ամֆիթատրոն, ինչը հնարավորություն կտա ակտիվացնել մայրաքաղաքի մշակութային կյանքը։
Աշխատանքները նախատեսվում է իրականացնել մասնավոր ներդրողների աջակցությամբ, իսկ երբ կլինի արդեն ամբողջական փաթեթը, կներգրավվեն ճարտարապետները, որպեսզի այն համահունչ լինի կառույցին։
Մանրամասները՝ տեսանյութում։
