16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Ստանիսլավ Զասն այցելել է Վայոց ձորի մարզի սահմանամերձ տարածքներ
Քաղաքականություն
22.09.2022 | 20:04
ՀԱՊԿ գլխավոր քարտուղար Ստանիսլավ Զասն այսօր Հայաստանում Հավաքական անվտանգության պայմանագրի կազմակերպության առաքելության շրջանակում այցելել է Վայոց ձորի մարզի սահմանամերձ տարածքներ։ Այս մասին տեղեկանում ենք ՀԱՊԿ պաշտոնական կայքից։
Նշվում է, որ Զասը հանդիպել է շփման գծում տեղակայված ՀՀ Զինված ուժերի ստորաբաժանումների հրամանատարների, տեղական իշխանությունների ներկայացուցիչների հետ։ Նա նաև ուսումնասիրել է գնդակոծության ենթարկված վայրերը, զրուցել մարտական գործողություններին մասնակցած զինծառայողների հետ։
ՀԱՊԿ առաքելությունը Հայաստան է ժամանել՝ սեպտեմբերի 13-ի ՀԱՊԿ Հավաքական անվտանգության խորհրդի արտահերթ նիստի որոշման համաձայն։
Առաքելությանը հանձնարարված է գնահատել ներկա իրավիճակը, ՀԱՊԿ անդամ պետությունների ղեկավարների համար մանրամասն զեկույց պատրաստել տարածաշրջանում տիրող իրավիճակի վերաբերյալ և առաջարկներ մշակել Հայաստանի ու Ադրբեջանի սահմանի որոշ հատվածներում առաջացած լարվածության թուլացման համար։
