16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Նիկոլ Փաշինյանն այցելել է Դիլիջանի միջազգային դպրոց. ՏԵՍԱՆՅՈՒԹ
Հասարակություն
26.05.2018 | 20:20
ՀՀ վարչապետ Նիկոլ Փաշինյանն այսօր այցելել է «UWC Դիլիջան» միջազգային դպրոց, որտեղ մասնակցել է շրջանավարտների ավարտական միջոցառմանը: Վարչապետը նախ շրջայց է կատարել դպրոցում, ծանոթացել կրթօջախի պայմաններին ու հնարավորություններին, զրուցել դպրոցի սաների հետ: Շրջայցի ընթացքում նա նաև երիտասարդներին պաղպաղակ է հյուրասիրել և փորձել վարել պաղպաղակ տեղափոխող հեծանիվը: Ապա նա հանդես է եկել ելույթով՝ անգլերենով շնորհավորելով դպրոցի սաներին: Նշենք, որ այս տարի Դիլիջանի միջազգային դպրոցն ավարտում է 104 ուսանող աշխարհի 63 երկրից: Շրջանավարտներից 10-ը հայեր են: Դպրոցն արդեն 3-րդ անգամ է շրջանավարտ տալիս: Դպրոցում ներկայումս սովորում է 210 ուսանող աշխարհի 80 երկրից: Ուսանողների 96 տոկոսը սովորում է մասնակի կամ լրիվ կրթաթոշակով: Դիլիջանի միջազգային դպրոցը գործում է 2014 թվականի հոկտեմբերից:
Մանրամասները՝ տեսանյութում
