18.08.2026 | 23:01
Չեմ հիշում իմ աշխատանքային պարտականություններում օրենքով ինչ էր նախատեսված. Չախոյան. ՏԵՍԱՆՅՈՒԹ
Զորակոչի մասին Պուտինի հրամանագրի փակ կետը վերաբերում է 1 մլն մարդու մոբիլիզացմանը․ ԶԼՄ-ներ
Քաղաքականություն
22.09.2022 | 18:00
ՌԴ նախագահ Վլադիմիր Պուտինի՝ մասնակի մոբիլիզացիայի մասին հրամանագրի յոթերորդ կետում ասվում է, որ բանակ կարող է զորակոչվել մինչև մեկ միլիոն մարդ։ Այս մասին հայտնում է «Նովայա գազետա Եվրոպան»՝ հղում անելով նախագահի աշխատակազմում իր աղբյուրին։
«Թիվը մի քանի անգամ շտկվել է, արդյունքում որոշվել է մեկ միլիոն մարդ»,- ասել է աղբյուրը։
Նշվում է, որ Պուտինի հրամանի 7-րդ կետը նախատեսված է «ծառայողական օգտագործման համար», պաշտոնապես դրա բովանդակության մասին հաղորդվել է միայն այն, որ դրանում նշված է մարդկանց թիվը, ովքեր կարող են բանակ զորակոչվել։ Այս մասին խոսել է նախագահի մամուլի քարտուղար Դմիտրի Պեսկովը։
ՌԴ պաշտպանության նախարար Սերգեյ Շոյգուն հայտարարել է, որ Պուտինի հայտարարած «մասնակի մոբիլիզացիայի» շրջանակում նախատեսվում է բանակ զորակոչել 300 հազար մարդու։
Խոսելով հրամանագրի մասին՝ Պեսկովն անդրադարձել է պաշտպանության նախարարի հայտարարությանը. «Միակ բանը, որ կարող եմ ասել, այն է, որ Սերգեյ Շոյգուն իր հարցազրույցում ասել է. «300 հազար մարդ։ Այստեղ խոսքը գնում է մինչև 300 հազար մարդու մասին»»։
Տաթև Ֆռանգյան
