14.09.2026 | 18:19
Փաշինյանն ու Բունդեսթագի պատվիրակությունը քննարկել են Հայաստան–Գերմանիա և Հայաստան–ԵՄ հարաբերությունները
Պուտինը խոստացել էր զորահավաք չանցկացնել․ ՏԵՍԱՆՅՈՒԹ․ FIP
Քաղաքականություն
22.09.2022 | 16:30
Վլադիմիր Պուտինը սեպտեմբերի 21-ի առավոտյան հայտարարեց երկրի ամբողջ տարածքում մասնակի զորահավաք անցկացնելու մասին:
Սրանից առաջ ուկրաինական զորքերն արդեն անցել էին հակահարձակման՝ որոշակի հաջողություններ գրանցելով ռազմաճակատում:
ՌԴ նախագահի հայտարարությանը հաջորդեցին բողոքի ցույցեր, իսկ Ռուսաստանի սահմաններին մարդկանց կուտակումներ առաջացան: Մոսկվա-Երևան թռիչքների գները մեկ գիշերում ավելացան շուրջ տասն անգամ:
Հետաքրքիր է, սակայն, որ Պուտինի կողմից զորահավաքի հրամանը հակասում է իր իսկ ավելի վաղ՝ այս տարվա մարտի ութին տված խոստմանը, թե ժամկետային զինծառայողները և պահեստազորայինները չեն մասնակցելու ռազմական գործողություններին:
«Ընդգծում եմ՝ ռազմական գործողություններին չեն մասնակցում և չեն մասնակցելու պարտադիր ժամկետային ծառայություն անցնող զինվորները, չի անցկացվելու պահեստազորայինների հավաք, դրված առաջադրանքները կատարելու են միայն պրոֆեսիոնալ զինվորականները, վստահ եմ՝ նրանք հուսալիորեն կապահովեն Ռուսաստանի բնակչության անվտանգությունը և խաղաղությունը»,- հայտարարել էր Ռուսաստանի նախագահը:
Ռուսաստանը Ուկրաինայի վրա հարձակվել է այս տարվա փետրվարի 24-ին՝ սկզբնական շրջանում գրանցելով որոշ հաջողություններ: Աստիճանաբար, սակայն, ռազմական գործողությունների նպատակը դարձավ Դոնբասի ամբողջական գրավումը, իսկ Ուկրաինական բանակն անցավ հաջող հակահարձակման:
