23.03.2026 | 23:28
«Դեմոկրատները սա պատերազմ են անվանում, մենք դա կոչում ենք ռազմական գործողություն»․ Թրամփը՝ Իրանի հետ հակամարտության մասին
«Քաղաքական անպատասխանատվություն»․ Բայրամովն անդրադարձել է Նենսի Փելոսիի Հայաստան այցին և նրա հայտարարություններին
Քաղաքականություն
22.09.2022 | 15:47
Պաշտոնական Բաքվին շարունակում է հանգիստ չտալ ԱՄՆ Ներկայացուցիչների պալատի խոսնակ Նենսի Փելոսիի այցը Հայաստան։ Ադրբեջանի ԱԳՆ-ն արդեն հայտարարություն տարածել է Փելոսիի այցի մասին, հիմա էլ որոշել է այդ թեմային անդրադառնալ նախարար Ջեյհուն Բայրամովը։
«Տարբեր երկրների քաղաքական գործիչները՝ ԱՄՆ-ից և Ֆրանսիայից, իրենց երկրներում ընտրությունների նախաշեմին այցեր են կատարում մեր տարածաշրջան և հայտարարություններ անում, որոնք հիմնականում ներքին լսարանի համար են։ Մենք գտնում ենք, որ ներկա զգայուն իրավիճակում, երբ կա փխրուն խաղաղության հնարավորություն, նման հայտարարությունները թույլ են տալիս «ռևանշիստական ուժերին» արտաշնչել։ Դրա համար նման հայտարարությունները մենք գնահատում ենք որպես քաղաքական անպատասխանատվություն»,- ասել է Բայրամովը ադրբեջանական Real TV-ին տված հարցազրույցում։
Բայրամովը, սակայն, չի բացատրել, որ եթե Փելոսիի այցը ներքին լսարանի համար է, ապա ինչո՞ւ էր Բաքուն ամեն կերպ փորձում այն վերածել տարածաշրջանային այցի կամ ինչո՞ւ է այդքան անհանգստացած ԱՄՆ Ներկայացուցիչների պալատի խոսնակի հայտարարություններից։
Հավելենք, որ Ադրբեջանի Միլի Մեջլիսի պատգավորները ևս արշավ են Փելոսիի դեմ։ Նրանք նույնիսկ սկսել են ԱՄՆ-ին պատժամիջոցներով սպառնալ։
Էմմա Չոբանյան
