25.11.2024 | 23:15
Միրզոյանը շնորհավորել է Վրաստանի ԱԳ նորանշանակ նախարարին
Էրդողանը կքննարկի ռուսական «Միր» վճարային համակարգի աշխատանքը
Քաղաքականություն
22.09.2022 | 15:16
Թուրքիայի նախագահ Ռեջեփ Թայիփ Էրդողանը ծրագրում է ուրբաթ օրը բարձր մակարդակով հանդիպում անցկացնել, որի ընթացքում քննարկվելու է ռուսական «Միր» վճարային համակարգի աշխատանքը։ Այս մասին հայտնում է Reuters գործակալությունը՝ վկայակոչելով իր աղբյուրին, փոխանցում է ՌԻԱ Նովոստին։
«Հանդիպման մասնակիցները քննարկելու են նաև Ռուսաստանի հետ պայմանավորվածությունները, վերջին անկայունությունը Ստամբուլյան բորսայում և ընդհանուր տնտեսական իրավիճակը»,- գրում է գործակալությունը։
Դիտարկվելու է նաև Մոսկվայի դեմ Արևմուտքի հնարավոր պատժամիջոցների հարցը։
Հիշեցնենք, որ թուրքական «Ishbank»-ն և «Denizbank»-ը շաբաթվա սկզբից դադարեցրել են «Միր» քարտերի սպասարկումը։ Այս որոշումն ընդունվել է ՌԴ-ի դեմ ԱՄՆ-ի և Մեծ Բրիտանիայի պատժամիջոցների պատճառով։
Էմմա Չոբանյան
