18.08.2026 | 23:01
Չեմ հիշում իմ աշխատանքային պարտականություններում օրենքով ինչ էր նախատեսված. Չախոյան. ՏԵՍԱՆՅՈՒԹ
Մոսկվայում ցույցերի ժամանակ ձերբակալվածներին ծանուցագրեր են հանձնել զինկոմիսարիատներում
Քաղաքականություն
22.09.2022 | 14:23
Մոսկվայում սեպտեմբերի 21-ին մոբիլիզացիայի դեմ անցկացված բողոքի ցույցերի ժամանակ ձերբակալվածներից մի մասին ծանուցագրեր են հանձնվել զինկոմիսարիատներում։ Այս մասին ձերբակալվածներ պատմել են OVD-Info իրավապաշտպան նախագծին, գրում է VOA-ն։
«Յաբլոկո» կուսակցության անդամ Կիրիլ Գոնչարովը ծանուցագիր է հրապարակել, որը ձերբակալվածին են հանձնել Մոժայսկի շրջանի ոստիկանական բաժանմունքում։
Սոկոլինայա Գորա շրջանի ներքին գործերի վարչության կողմից ձերբակալված անձանցից մեկի կինը Mediazona-ին պատմել է, որ զինվորական կոմիսարն անձամբ է ծանուցագիրը հանձնել ամուսնուն, և դա նկարահանվել է։ Ձայնագրությունում, ըստ նրա, իրեն ասել են, որ չի կարող չընդունել կանչը, քանի որ ՌԴ քաղաքացի է և պարտավոր է ներկայանալ զինկոմիսարիատ։
Ձերբակալվածներից առնվազն մեկին, ըստ իրավապաշտպանների, սպառնացել են քրեական գործ հարուցել ծանուցագիրը ստորագրելուց հրաժարվելու պատճառով։
Վորոնեժում հակապատերազմական ցույցերի մի քանի ձերբակալված ցուցարարների ոստիկանության բաժանմունքում ծանուցագրեր են տրվել՝ սեպտեմբերի 23-ի զինկոմիսարիատ ներկայանալու պահանջով:
Հավելենք, որ նախօրեին ավելի քան 1400 մարդ է բերման ենթարկվել ՌԴ նախագահ Վլադիմիր Պուտինի հայտարարած մասնակի մոբիլիզացիայի դեմ բողոքի ցույցերի ժամանակ, որոնք անցկացվել են Ռուսաստանի 38 քաղաքներում։
https://t.me/This_is_Goncharov/10949
Տաթև Ֆռանգյան
