Քաղաքականություն
22.09.2022 | 14:53
ԿԺԴՀ-ն հայտարարել է, որ իրենք երբևէ չեն փոխանցել և չեն նախատեսում զենք փոխանցել Ռուսաստանի Դաշնությանը։ Այս մասին հայտնում է Yonhap-ը։
«Մենք նախկինում երբեք զենք կամ զինամթերք չենք արտահանել Ռուսաստան և չենք ծրագրում դրանք արտահանել»,- ասել է Հյուսիսային Կորեայի Պաշտպանության նախարարության սարքավորումների գլխավոր բյուրոյի տնօրենի տեղակալը։
Նա Վաշինգտոնին մեղադրել է «Հյուսիսային Կորեայի դեմ կեղծ լուրեր տարածելու մեջ»։ Միաժամանակ, Փհենյանը կարծում է, որ ԿԺԴՀ-ն իրավունք ունի զենք մշակել, արտադրել, արտահանել և ներմուծել։
Հիշեցնենք, որ The New York Times-ը, վկայակոչելով ԱՄՆ հետախուզության գաղտնազերծված տվյալները, գրել էր, որ Ռուսաստանը միլիոնավոր հրետանային արկեր և հրթիռներ է գնում Հյուսիսային Կորեայից:
Ի պատասխան այս լուրերի՝ Ուրաինայի նախագահի աշխատակազմի ղեկավարի խորհրդական Միխայիլ Պոդոլյակը մեկնաբանել է Հյուսիսային Կորեայում Ռուսաստանի կողմից զենք գնելու մասին տեղեկությունը՝ ասելով, որ Ռուսաստանի Դաշնությունից հետո Ուկրաինան ապառազմականացնելու է նաև Հյուսիսային Կորեան։
Տաթև Ֆռանգյան
