21.01.2026 | 23:30
Ինչ իրավիճակ է Հայաստանի ճանապարհներին և Լարսում
ԱՄՆ-ի ներկայացուցիչների պալատը կասեցնում է «F-35»-ների մատակարարումը Թուրքիային
Քաղաքականություն
25.05.2018 | 19:17
ԱՄՆ-ի ներկայացուցիչների պալատն ընդունել է Պենտագոնի 2019թ. բյուջեի մասին օրինագիծը։ Այն ընդունվել է ձայների 66 դեմ և 315 կողմ հարաբերակցությամբ. փոխանցում է ermenihaber-ը:
Այս օրինագծով նախատեսվում է կասեցնել ԱՄՆ-ի կողմից արտադրվող «F-35» տիպի նոր սերնդի կործանիչների մատակարարումը Թուրքիային։
ԱՄՆ-ի ներկայացուցիչների պալատի հաղորդագրության համաձայն՝ ի սկզբանե նախատեսվում էր, որ վերոնշյալ ինքնաթիռները պետք է մատակարարվեն Թուրքիային՝ ըստ թուրք-ամերիկյան պայմանագրի։ Սակայն ԱՄՆ-ի որոշ սենատորների առաջարկով օրինագծում փոփոխություններ են կատարվել, որով արգելվում է նոր սերնդի ինքնաթիռների վաճառքը Թուրքիային թուրք-ամերիկյան լարվածության պատճառով։
Սենատորները, որպես փոփոխությունների պատճառ, առաջ են քաշում Թուրքիայում գյուլենական համայնքի հետ կապ ունենալու կասկածանքով ամերիկացի հոգևորական Էնդրյու Բրունսոնի ձերբակալությունը, ինչպես նաև պաշտոնական ռուսական S-400 ՀՕՊ համակարգերը գնելու մասին Անկարայի մտադրությունը:
Օրինագիծն ուժի մեջ կմտնի այն բանից հետո, երբ այն վավերացվի ԱՄՆ նախագահ Դոնալդ Թրամփի կողմից։
