09.08.2026 | 11:47
Վթարային ջրանջատում Երևանում
Էրդողանի ագրեսիվ հայտարարությունը՝ Ղարաբաղի մասին
Քաղաքականություն
25.05.2018 | 14:58
Անկարայում կայացել է Թուրքիայի իշխող «Արդարություն և զարգացում» կուսակցության (AKP-ԱԶԿ) ժողովը։ Թուրքիայի նախագահ Ռեջեփ Թայիփ Էրդողանը, ով նաև հանդիսանում է ԱԶԿ-ի նախագահը, հանրությանը ծանոթացրել է, թե ինչպիսի արտաքին և ներքին քաղաքականություն կիրականացվի, եթե գալիք ընտրություններում իրենց կուսակցությունը մնա իշխանության ղեկին. փոխանցում է ermenihaber-ը:
Հայտարարության մեջ Էրդողանը նաև անդրադարձել է ղարաբաղյան հիմնախնդրին և խոսել «օկուպացված հողերի» մասին անհիմն թեզերից։
«Մենք կշարունակենք ջանքեր գործադրել, որպեսզի վերջ դնենք Ադրբեջանի հողերի օկուպացմանը։ Կովկասի և Միջին Ասիայի երկրների հետ ավելի ենք զարգացնելու հարաբերությունները»,-ասել է Էրդողանը։
Հիշեցնենք, որ հունիսի 24-ին Թուրքիայում կայանալու են խորհրդարանական և նախագահական արտահերթ ընտրություններ։
