07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
«Վերջին զանգի» մասնակիցները Երևանում վթարի են ենթարկվել ու տեղափոխվել հիվանդանոց
25.05.2018 | 11:43
Մայիսի 25-ին, ժամը 07:52-ին «911» ծառայությանն ահազանգ է ստացվել, որ Երևան քաղաքի Նոր Նորքի 4-րդ և 5-րդ զանգվածներն իրար միացնող կամրջի վրա տեղի է ունեցել ՃՏՊ, ավտոմեքենան շրջվել է, կան տուժածներ. անհրաժեշտ է փրկարարների օգնությունը. տեղեկացնում է ԱԻՆ-ը:
Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Պարզվել է, որ Մուշեղ Գալշոյան փողոցի սկզբնամասում` կամրջի վրա, Nissan Teana մակնիշի ավտոմեքենան (վարորդը՝ Ա. Ա., 2000 թ. ծնված) դուրս է եկել ճանապարհի երթևեկելի հատվածից, բախվել ճամփեզրի արգելապատնեշին և շրջվել:
Վարորդը և ուղևորը՝ Ս. Մ.-ն (2001 թ. ծնված) հոսպիտալացվել են «Սուրբ Գրիգոր Լուսավորիչ» ԲԿ: Բժիշկները տուժածների առողջական վիճակը գնահատել են միջին ծանրության:
Փրկարարները տուժածներին մոտեցրել են շտապօգնության ավտոմեքենային, հոսանքազրկել ավտոմեքենան և կատարել ճանապարհահատվածի լվացման աշխատանքներ:
Ինչպես տեղեկացնում է shamshyan.com-ը, վարորդը եղել է Ա. Ամիրջանյանը, ով ուղևորի հետ մասնակցելիս է եղել «Վերջին զանգի» արարողությանը։
