26.11.2024 | 23:20
Ադրբեջանում պահեստազորի սպաները բողոքի ակցիա են անցկացրել՝ պահանջելով իրենց հասանելիք վճարումները
Փաշինյանն ԱԽ նիստ է անցկացրել ՀՀ և ԱՀ նախագահների հետ․ ՊՆ խոսնակը՝ Ջերմուկում իրավիճակի մասին․Լուրեր
Քաղաքականություն
15.09.2022 | 16:14
- ՀՀ ՊՆ մամուլի խոսնակ Արամ Թորոսյանը հերքել է լուրը, որի համաձայն՝ Ջերմուկի ուղղությամբ այսօր կրակահերթերը վերսկսվել են։ Թորոսյանն ասել է, որ 13:55-ի դրությամբ Ջերմուկի ուղղությամբ որևէ հրետակոծություն կամ որևէ կրակոց չի վերսկսվել։
- Այսօր տեղի է ունեցել Հայաստանի ԱԽ նիստ, ինչի մասին հայտնել է Արցախի նախագահ Արայիկ Հարությունյանը, որը Հայաստանի նախագահի հետ մասնակցել է նիստին։ Դրա օրակարգը հայտնի չէ։ Հարությունյանը նշել է, որ այսօր Երևանում է՝ ՀՀ իշխանությունների հետ քաղաքական խորհրդակցություններ անցկացնելու նպատակով։ Ըստ Հարությունյանի՝ այս փուլում Արցախի կարգավիճակի հետ կապված որևէ փաստաթուղթ չի քննարկվում։ Մինչ այդ հայտնի էր դարձել, որ Արցախի նախագահի հետ Երևան են եկել նաև Արցախ խորհրդարանի պատգամավորներ։
- Հայաստանի և Ադրբեջանի սահմանին ՀԱՊԿ ուժերի կիրառման մասին խոսք չկա, կազմակերպությունը հակամարտության խաղաղ լուծման հույս ունի։ Այս մասին ճեպազրույցում հայտնել է կազմակերպության միացյալ շտաբի պետ Անատոլի Սիդորովը։ Նա նաև նշել է, որ ՀԱՊԿ առաքելությունը Երևան է ժամանելու այսօր երեկոյան։ Սիդորովը հայտնել է, որ այս առաքելությունն ուղարկելու առաջարկը արել է Ռուսաստան նախագահ Վլադիմիր Պուտինը։
Այս ժամի լուրերը՝ տեսանյութում։
