03.11.2026 | 23:29
Թրամփը հայտարարել է, որ ԱՄՆ-ը կդադարեցնի Իսրայելին տարեկան 4 միլիարդ դոլարի օգնության տրամադրումը
Էրդողանը Պուտինի հետ կքննարկի հայ-ադրբեջանական սահմանին իրավիճակի սրումը․ Reuters
Քաղաքականություն
14.09.2022 | 19:52
Թուրքիայի նախագահ Ռեջեփ Թայիփ Էրդողանը մտադիր է ՌԴ նախագահ Վլադիմիր Պուտինի հետ քննարկել Հայաստանի և Ադրբեջանի սահմանին տիրող իրավիճակը։ Այս մասին հայտնում է Reuters-ը՝ վկայակոչելով թուրք բարձրաստիճան պաշտոնյայի։
Ըստ գործակալության՝ Էրդողանը պատրաստվում է քննարկել հայ-ադրբեջանական սահմանին տեղի ունեցած բախումները Շանհայի համագործակցության կազմակերպության (ՇՀԿ) շրջանակում Պուտինի հետ բանակցությունների ժամանակ։
Սեպտեմբերի 15-16-ը Սամարղանդում ՌԴ նախագահը կհանդիպի նաև Չինաստանի նախագահ Սի Ցզինպինի, Հնդկաստանի վարչապետ Նարենդրա Մոդիի, Ադրբեջանի նախագահ Իլհամ Ալիևի և այլ պետությունների ղեկավարների հետ։
«Թուրքիան սկսել է շփումներ երկու երկրների միջև առկա խնդիրը հաղթահարելու համար: Սա պետք է ավարտվի, քանի դեռ հեռուն չի գնացել»,- ասել է անանուն թուրք պաշտոնյան:
Հիշեցնենք՝ այսօր հայտնի դարձավ, որ ստեղծված իրավիճակով պայմանավորված՝ ՀՀ վարչապետ Նիկոլ Փաշինյանը չի մասնակցելու Սամարղանդում կայանալիք Շանհայի համագործակցության կազմակերպության նիստին, թեև նախապես համաձայնություն էր տվել մասնակցության հրավերին։
Տաթև Ֆռանգյան
