27.07.2026 | 23:18
Ոստիկանները ձերբակալել են ապօրինի զենք պահող տղամարդուն
Գերմանիայի ԱԳՆ-ն կոչ է արել Հայաստանին և Ադրբեջանին հրաժարվել էսկալացիայից՝ հօգուտ երկխոսության
Քաղաքականություն
14.09.2022 | 19:41
Գերմանիան Հայաստանին և Ադրբեջանին կոչ է անում երկխոսության գնալ ԵՄ միջնորդությամբ։ Այս մասին hայտնել է Գերմանիայի ԱԳՆ-ն։
«Դաշնային կառավարությունը խորապես մտահոգված է հայ-ադրբեջանական սահմանին ընթացող մարտերով՝ ներառյալ բնակավայրերի և քաղաքացիական ենթակառուցվածքների վրա հարձակումները: Մենք կոչ ենք անում ձեռնպահ մնալ իրավիճակը սրող գործողություններից։ Կոչ ենք անում երկու երկրներին՝ շարունակել երկխոսության գործընթացը ԵՄ միջնորդությամբ»,- ասվում է ԱԳՆ-ի հայտարարության մեջ։
Երեքշաբթի գիշերը ՀՀ Պաշտպանության նախարարությունը հայտարարել է Ադրբեջանի Զինված ուժերի կողմից երկրի քաղաքների գնդակոծման մասին։
«Խորապես անհանգստացած եմ հայ-ադրբեջանական սահմանի երկայնքով ռազմական գործողությունների, ներառյալ՝ քաղաքացիական ենթակառուցվածքների վրա հարձակումների մասին հաղորդագրություններով: Մարտական գործողությունները պետք է անհապաղ դադարեցվեն: Մենք աջակցում ենք Շառլ Միշելի ներկայացրած ապաէսկալացիայի առաջարկին»,- իր հերթին Թվիթերում գրել է Գերմանիայի ԱԳՆ Արևելյան Եվրոպայի ու Կովկասի դեպարտամենտի տնօրեն Մաթիաս Լութենբերգը։
Տաթև Ֆռանգյան
