16.09.2026 | 20:43
Իհարկե պատրաստվում եմ առաջիկա ընտրություններին. Տիգրան Ավինյան. ՏԵՍԱՆՅՈՒԹ
ԱՄՆ-ն կոչ է անում ՌԴ-ին օգտագործել իր ազդեցությունը Հայաստանի ու Ադրբեջանի վրա` հասնելու դեէսկալացիայի
Քաղաքականություն
14.09.2022 | 12:34
ԱՄՆ-ն տարածաշրջանի բոլոր երկրներին, այդ թվում՝ Ռուսաստանին կոչ է անում օգտագործել իր ազդեցությունը Հայաստանի ու Ադրբեջանի վրա էսկալացիայի դադարեցման համար։ Այս մասին ճեպազրույցի ընթացքում հայտարարել է ԱՄՆ պետքարտուղարության մամուլի խոսնակ Նեդ Փրայսը։
«Մենք տարածաշրջանի բոլոր երկրներին կոչ ենք արել կառուցողականորեն օգտագործել իրենց ազդեցությունը։Կասկած չկա, որ Հայաստանի և Ադրբեջանի միջև ռազմական գործողությունների սրումը կամ ուղղակի բռնությունները չեն բխում Ռուսաստանի շահերից: Դրանում ոչ մեկը շահագրգռված չէ։ Կասկած չկա նաև, որ Ռուսաստանը զգալի ազդեցություն ունի ինչպես Հայաստանի, այնպես էլ Ադրբեջանի վրա: Մենք կոչ ենք արել Ռուսաստանին և կոչ ենք անում օգտագործել այդ ազդեցությունը՝ այնպես, որ օգնի հասնել ռազմական գործողությունների դադարեցմանը և ավելի լայն համատեքստում այդ լարվածությանը ապաէսկալացիային»,- ասել է Փրայսը։
Էմմա Չոբանյան
