18.08.2026 | 23:01
Չեմ հիշում իմ աշխատանքային պարտականություններում օրենքով ինչ էր նախատեսված. Չախոյան. ՏԵՍԱՆՅՈՒԹ
Տոյվո Կլաարը կայցելի Հայաստան և Ադրբեջան՝ օգնելու ապաէսկալացնել իրավիճակը սահմանին․ Բորել
Քաղաքականություն
13.09.2022 | 15:36
Հարավային Կովկասի և Վրաստանում ճգնաժամի հարցերով ԵՄ հատուկ ներկայացուցիչ Տոյվո Կլաարը կայցելի Հայաստան և Ադրբեջան՝ օգնելու ապաէսկալացնել իրավիճակը սահմանին։ Այս մասին ասված է Եվրամիության դիվանագիտության ղեկավար Ժոզեպ Բորելի հայտարարության մեջ, որը հրապարակվել է կազմակերպության պաշտոնական կայքում։
«Հայաստանի և Ադրբեջանի սահմանին լուրջ մարտեր են տեղի ունեցել, որոնց հետևանքով զոհեր են գրանցվել: Պարտադիր է, որ մարտերը դադարեցվեն և բոլորը վերադառնան բանակցությունների սեղանի շուրջ: Բոլոր ուժերը պետք է վերադառնան իրենց դիրքերը, որոնք զբաղեցնում էին մինչ այս սրումը, զինադադարը պետք է ամբողջությամբ հարգվի»,- հայտարարել է Բորելը։
Տեղեկացվում է, որ Եվրոպական խորհրդի ղեկավար Շառլ Միշելը կապ է հաստատել երկու երկրների ղեկավարների հետ, իսկ ինքը՝ Բորելը, բանակցություններ է վարում Հայաստանի և Ադրբեջանի արտգործնախարարների հետ։
Եվրոպացի դիվանագետն ընդգծել է, որ ԵՄ-ն պատրաստ է շարունակել միջնորդի դերը Երևանի և Բաքվի միջև բանակցություններում, որպեսզի օգնի հասնել ընդհանուր նպատակին՝ խաղաղության Հարավային Կովկասում։
«Եվրամիության հատուկ ներկայացուցիչ Տոյվո Կլաարն անմիջապես կմեկնի երկու երկրներ՝ աջակցելու անհրաժեշտ ապաէսկալացիային և քննարկելու Հայաստանի և Ադրբեջանի ղեկավարների միջև բրյուսելյան երկխոսության գործընթացի հաջորդ քայլերը»,- ասել է Բորելը։
Տաթև Ֆռանգյան
