13.04.2026 | 23:32
Հոսանքազրկումներ՝ Երևանում և մարզերում
Սիսիանը սահմանապահ համայնք է, այստեղի գյուղերի դատարկվելը ստրատեգիական խնդիր է. Արա Զաքարյան․ ՏԵՍԱՆՅՈՒԹ
Տնտեսություն
19.09.2022 | 22:32
Սեպտեմբերի 25-ին Հայաստանի մի շարք համայնքներում սպասվում են տեղական ինքնակառավարման մարմինների ընտրություններ։ Դրանց թվում է նաև Սիսիան խոշորացված համայնքը, որն իր կազմում ընդգրկում է 34 գյուղ և 2 քաղաք։
«Ապրելու երկիր» կուսակցության Սիսիան համայնքի ղեկավարի թեկնածու Արա Զաքարյանը Factor TV-ի հետ զրույցում ներկայացնում է այն խնդիրները, որոնք լուծելու նպատակով մտել է ընտրարշավի մեջ։ Խնդիրների թվում նա առաջնահերթորեն նշում է գյուղատնտեսության արդյունավետության բարձրացման, խմելու ջրի, աշխատատեղերի, համայնքների ենթակառուցվածքների, գյուղերից երիտասարդ ընտանիքների արտագաղթի պրոբլեմները։
«Սիսիանում խնդիրները կենսական են՝ երիտասարդներն ընտանիքներով հեռանում են գյուղերից։ Մենք կանգնելու ենք նրանց կողքին՝ լուծելով այդ ստրատեգիական նշանակության խնդիրները»,- ասում է թեկնածուն։
Արա Զաքարյանը նշում է, որ վստահ է իրենց թիմի հաղթանակի հարցում, քանի որ, ըստ նրա, ունեն կոնկրետ խնդիրներ լուծելու ունակ լուրջ ռեսուրսներով կազմված թիմ։ 2021-ի ԱԺ ընտրություններին, օրինակ, մասնակցում էր 27 քաղաքական ուժ՝ դաշինքներ և կուսակցություններ։ Սիսիանում ևս շատ են մրցակից ուժերը՝ 2 դաշինք, 5 կուսակցություն։
Ինչպե՞ս է ընթանում քաղաքական պայքարը, արդյո՞ք այն քաղաքակիրթ է։ Արա Զաքարյանը նշում է, որ իրենք կենտրոնացած են համայնքի բնակիչների հետ հանդիպումների ուղղությամբ, չեն մտնում վիրավորանքի և քննադատությունների դաշտ և մարդկանց հետ խոսում են բացառապես խնդիրների լուծումներից։
Հարցազրույցն ամբողջությամբ՝ տեսանյութում։
Ռոբերտ Անանյան
