08.06.2026 | 14:09
Ընտրություններից հետո հնարավոր սրման մասին հայտարարած անձը ձերբակալվել է
«Все критикуют Сталина, но кто писал столько миллионов анонимок?»․ Վարդանյանը մեջբերեց Դովլաթովին․ ՏԵՍԱՆՅՈՒԹ
Քաղաքականություն
12.09.2022 | 11:55
Ազգային ժողովը քննարկում է «Ազդարարման համակարգի մասին» և մի շարք այլ օրենքներում առաջարկվող փոփոխությունները: Նախատեսվում է հստակեցնել ազդարարներին տրվող պաշտպանության մեխանիզմները:
«Ազդարարման համակարգի մասին» օրենքում կառավարության առաջարկած փոփոխության համաձայն՝ հնարավոր կոռուպցիոն հանցագործության մասին քաղաքացին իրավունք ունի նաև անանուն տեղեկացնել համապատասխան պետական մարմնին։
Նախագիծն ԱԺ-ում բուռն քննարկման արժանացավ։
«Քաղաքացիական պայմանագիր» խմբակցության պատգամավոր Վիգեն Խաչատրյանը հայտարարեց․ «Կոռուպցիայի դեմ պայքարի ճանապարհին չի կարելի ընդունել օրենքներ, որոնք կոռուպցիա են ծնելու»
Էս անանուն նորմը, եթե ինչ–որ այլ հասարակություններում աշխատում է, մերում չի աշխատի։ Մեր հասարակությունըն անանուն նամակների 80 տարվա պատմություն ունի։ Ես համոզված եմ, որ այս անանունը պետք է հանվի ընդհանրապես, սա ծնելու է կոռուպցիա, չարաշահում։ Ես բախտ ունեցել եմ ժամանակին Կոմկուսի կենտկոմում տեսուչ աշխատելու ու գիտեմ` ինչ է նշանակւմ այդ անանուն նամակ ասվածը։ Չի կարելի մեր հասարակությանը վերադարձնել անանուն նամակների, անանուն ահազանգերի շրջան»,- նշեց Խաչատրյանը։
ԱԺ պետաիրավական հարցերի մշտական հանձնաժողովի նախագահ Վլադիմիր Վարդանյանն իր ելույթում չհամաձայնեց գործընկերոջ դիտարկման հետ` հիշեցնելով Դովլաթովի հանրահայտ արտահայտությունը Ստալինի մասին. «Все критикуют Сталина, но кто писал столько миллионов анонимок?»․
Վարդանյանը նաև հիշեցրեց, որ անանուն ազդարարումը միջազգային ընդունված նորմ է ու նաև ՀՀ–ի ստանձնած միջազգային պարտավորության բաղադրիչ։
«Բայց միջազգային պարտավորությունն ասում է` այս կարգավորումը մտցրու, բայց դրա եղանակները, մեթոդները ինքդ որոշիր` քո օրենսդրության սահմանված կարգով»,- նշեց Վարդանյանը` հիշեցնելով, որ իր ղեկավարած հանձնաժողովը դրական եզրակացություն է տվել նախագծին։
Մանրամասները՝ տեսանյութում։
