02.07.2026 | 02:50
ԱԱ-2026. Բելգիան կամային հաղթանակ տարավ 0:2-ից հետո. ՏԵՍԱՆՅՈՒԹ
Ռուս զինվորականներն ու բնակչությունը հապճեպ լքում են Լուգանսկի շրջանը
Քաղաքականություն
12.09.2022 | 12:38
Ռուս զինվորականները հապճեպ լքում են Լուգանսկի շրջանի տեղակայման վայրերը՝ տեղափոխվելով տարածաշրջանի խորքերը կամ ՌԴ-ի տարածք։ Այս մասին հայտարարել է շրջանի ղեկավար Սերգեյ Գայդայը, գրում է BBC-ի ռուսական ծառայությունը։ Ըստ նրա՝ հապճեպ տարհանումը պայմանավորված է Ուկրաինայի զինված ուժերի հակահարձակմամբ։
«Լուգանսկի շրջանում ռուս զինվորականները ընտանքիներով լքել են Սվատովոն, մնացել են միայն, այսպես կոչված, «ժողովրդական միլիցիայի» զինվորները։ Օկուպացիոն իշխանությունները հաստատում են զորքերի տեղափոխումը շրջանի խորքերը։ Ավելին՝ մի մասը անցնում է Ռուսաստանի տարածք»,-թելագրամյան իր ալիքում գրել է Գայդայը։
Նրա խոսքերը անուղղակի հաստատում է նաև ՌԴ Անվտանգության դաշնային ծառայության հայտարարությունը, ըստ որի՝ մեկ օրում Լուգանսկի ու Դոնեցկի ինքնահռչակ Հանրապետությունների կողմից վերահսկվող տարածքներից ավելի քան 17,000 մարդ է սահմանը հատել։ Անցյալ շաբաթվա սկզբից Ռուսաստան է մուտ գործել շուրջ 116,000 մարդ։
Սոցցանցերում էլ հրապարակվում են տեսանյութեր, որոնցում երևում է, որ Ռուսաստան տանող ճանապարհներին երկար հերթեր են։ Գայդայի խոսքով՝ մարդիկ հեռանում են նաև դեռ 2014 թ-ին գրավված Լուգանսկից ու Ալչևսկից։
Էմմա Չոբանյան
