06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Պետությունը տարեկան 3-5 մլն դոլար ծախսում է փոստային առաքումների վրա․ սա ամոթ է․ Արմեն Խաչատրյան․ ՏԵՍԱՆՅՈՒԹ
Տնտեսություն
12.09.2022 | 11:11
Հայաստանում նույնականացման քարտ ստացող յուրաքանչյուր քաղաքացի պետությունից նաև էլեկտրոնային հասցե է ստանում։ Բայց այդ հասցեից ոչ միայն օգտվողներն են շատ քիչ, այլև նույնիսկ դրա մասին իմացողները։ Այս մասին ԱԺ-ում նշեց ՔՊ պատգամավոր Արմեն Խաչատրյանը` Հայաստանի Հանրապետության ու Վերակառուցման և զարգացման միջազգային բանկի միջև ստորագրված «Պետական հատվածի արդիականացման չորրորդ ծրագիր» վարկային համաձայնագրի քննարկման ժամանակ:
Նրա կարծիքով՝ պետություն և քաղաքացի հարաբերությունները պետք է լինեն էլեկտրոնային։
«Ցանկացած անձ ՀՀ–ում, ով ունի նույնականացման քարտ, ունի նաև էլեկտրոնային հասցե։ Բայց 99.9 տոկոսը տեղյակ չեն, որ պետությունն իրենց էլեկտրոնային հասցե է տվել։ Հետևաբար, պետք է օրենքում մի փոքր փոփոխություն կատարել և պետության ու քաղաքացու ամբողջ փոխհարաբերությունն էլեկտրոնային դարձնել»,- նշեց պատգամավորը։
Խաչատրյանի մոտավոր հաշվարկով պետությունը միայն փոստային առաքումների վրա տարեկան 3-5 մլն դոլար է ծախսում․ «Ընդ որում, թղթային տարբերակով փոստային ծանուցումները 30-40 տոկոս դեպքերում հասցեատեերին չեն հասնում, ուղղակի տանը մարդ չի լինում և քաղաքացին անհրաժեշտ ծանուցումը չի ստանում։ Սա մեր պետության համար ամոթ է, ծանուցումները պետք է լինեն ոչ թե թղթային տարբերակով այլ էլեկտրոնային։ Էլեկտրոնային համակարգի կիրառման դեպքում ծանուցումներ չստանալու տարբերակը գրեթե կբացառվի»։
