16.09.2026 | 19:37
Եվրոպա լիգա․ «Արարատ-Արմենիայի» մեկնարկային կազմը «Սպարտա Պրահայի» դեմ խաղում
Ուկրաինան հայտարարել է մեկ օրում 20 ազատագրված բնակավայրի մասին
Քաղաքականություն
12.09.2022 | 12:12
Վերջին մեկ օրվա ընթացքում ուկրաինացի պաշտպաններն ազատագրել են ավելի քան 20 բնակավայր, դրանք վերցվում են լիակատար վերահսկողության տակ և իրականացվում են կայունացման միջոցառումներ։ Այս մասին երկուշաբթի՝ սեպտեմբերի 12-ին, հայտնել է Ուկրաինայի զինված ուժերի գլխավոր շտաբը, փոխանցում է korrespondent-ը։
Նշվում է, որ ՌԴ-ն իր ջանքերը կենտրոնացնում է Դոնեցկի մարզի տարածքում վերահսկողություն սահմանելու, ժամանակավոր գրավյալ տարածքների պահպանման և որոշակի հատվածներում Ուկրաինայի Զինված ուժերի հարձակումը խափանելու վրա։
Ըստ աղբյուրի՝ ռուսական ուժերը շարունակում են կրակել ուկրաինական դիրքերի ուղղությամբ, օդային հետախուզություն է իրականացվում և փորձում են միջոցներ ձեռնարկել կորցրած դիրքերը վերականգնելու համար։
Տաթև Ֆռանգյան
