09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Սուրեն Պապիկյանը Վաշինգտոնում այցելել է Ազգային պաշտպանության համալսարան
09.09.2022 | 20:58
«Սեպտեմբերի 8-ին, ԱՄՆ աշխատանքային այցի շրջանակում, այցելել եմ Վաշինգտոնում գտնվող Ազգային պաշտպանության համալսարան, որտեղ հանդիպում եմ ունեցել համալսարանի պետ, գեներալ-լեյտենանտ Մայքլ Փլենի հետ»,-այս մասին ֆեյսբուքյան գրառում է արել ՀՀ պաշտպանության նախարար Սուրեն Պապիկյանը։
Նա նշել է, որ հանդիպման ընթացքում քննարկվել են ռազմական կրթության ոլորտում համագործակցությանը վերաբերող մի շարք հարցեր։
«Կարևորել եմ ՀՀ ՊՆ Պաշտպանական ազգային հետազոտական համալսարանի և ԱՄՆ Ազգային պաշտպանության համալսարանի միջև համագործակցության զարգացումը ոչ միայն տարբեր դասընթացների կազմակերպման, այլև կրթական ծրագրերի և դասավանդման մեթոդաբանության մշակման ուղղությամբ։
Գեներալ-լեյտենանտ Մայքլ Փլենը, իր հերթին, հավաստել է իր պատրաստակամությունը` նպաստել ռազմական կրթության ոլորտում երկու համալսարանների միջև կապերի ամրապնդմանն ու գործակցության շրջանակի ընդլայնմանը»,-գրված է Պապիկյանի հաղորդագրության մեջ։
