23.11.2024 | 00:35
Թրամփի հետ հեռախոսազրույցը տեղեկատվական էր, բայց նաև շատ պոզիտիվ. Փաշինյան. ՏԵՍԱՆՅՈՒԹ
Ադրբեջանի ԶՈՒ-ն գիշերը կրակ է բացել ՀՀ ԶՈՒ դիրքերին․ Ավինյանը կառաջադրվի Երևանի փոխքաղաքապետ․ Լուրեր
Քաղաքականություն
08.09.2022 | 12:56
- Սեպտեմբերի 8-ին՝ ժամը 02:30-ի սահմաններում, Ադրբեջանի ԶՈւ ստորաբաժանումները տարբեր տրամաչափի հրաձգային զինատեսակներից կրակ են բացել հայ-ադրբեջանական սահմանագոտու հարավարևելյան հատվածում տեղակայված հայկական մարտական դիրքերի ուղղությամբ․ տեղեկացնում են ՀՀ ՊՆ-ից։ Պատասխան գործողություններով ադրբեջանական ստորաբաժանումների կրակը լռեցվել է: Հայկական կողմից կորուստներ չկան։
- ՀՀ-ում ԱՄՆ դեսպանությունից հայտնում են, որ Կովկասյան բանակցությունների հարցերով ավագ խորհրդական, ԵԱՀԿ Մինսկի խմբի համանախագահ, դեսպան Ֆիլիպ Ռիքերը Երևանում է։ Սեպտեմբերի 8-10-ը նա կհանդիպի ՀՀ պաշտոնատար անձանց հետ՝ քննարկելու ԱՄՆ աջակցությունը տևական խաղաղության հասնելու և հայ-թուրքական հարաբերությունները կարգավորելու Հայաստանի և Ադրբեջանի դիվանագիտական ջանքերին։
- Սեպտեմբերի 13-ին կայանալիք Երևանի ավագանու նիստին Տիգրան Ավինյանն առաջադրվելու է որպես փոխքաղաքապետ։ Նա երեկ հանդիպումներ է ունեցել Երևանի ավագանու «Իմ քայլը», «Լույս» և «Բարգավաճ Հայաստան» խմբակցությունների հետ։
Այս ժամի լուրերը՝ տեսանյութում։
