05.11.2026 | 21:42
Ֆինլանդիայի դատարանը ադրբեջանցի նավաստուն 3 տարվա ազատազրկման է դատապարտել ստորջրյա մալուխները վնասելու գործով
Նվազագույն կենսաթոշակի չափը բարձրացվեց՝ սահմանվելով 31 հազար 600 դրամ․ ՏԵՍԱՆՅՈՒԹ
Հասարակություն
08.09.2022 | 11:41
Սեպտեմբերի 1-ից բազային կենսաթոշակի չափը սահմանվեց 21 հազար դրամ՝ 18 հազար դրամի փոխարեն, իսկ նվազագույն կենսաթոշակի չափը 28 հազար 600 դրամի փոխարեն սահմանվեց 30 հազար 500 դրամ:
Կառավարության նիստի ընթացքում ներկայացնելով պետական կենսաթոշակների բարձրացման վերաբերյալ նախագիծը՝ այս մասին նշեց ՀՀ աշխատանքի և սոցիալական հարցերի նախարար Նարեկ Մկրտչյանը։ «Գործող բանաձևով և օրենքով կենսաթոշակառուների որոշակի խումբ ավելի քիչ էր ստանում, քան 3000 դրամը, և մենք որոշեցինք, որ բարձրացնենք նաև նվազագույն կենսաթոշակի չափը՝ հասցնելով 31 հազար 600 դրամ, որը կերաշխավորի, որ բոլոր կենսաթոշակառուները սեպտեմբերի 1-ից մեր խոստացած 3000 դրամը կստանան:
Նախագծի ընդունման արդյունքում 16 հազար 600 կենսաթոշակառուի և 5186 զինկենսաթոշակառուի և շուրջ 75 000 նպաստառուի համար սեպտեմբերի 1-ից կավելանան կենսաթոշակն ու նպաստները:
Այսինքն՝ մինչև այս որոշումը այն խումբը, որը սահմանված օրենքով ու բանաձևով 1900 կամ 2500 դրամ բարձրացում ուներ, մնացած հատվածը հոկտեմբերի կենսաթոշակի հետ կստանա»,- ասաց նախարարը: Ընդհանուր առմամբ սեպտեմբերի 1-ից 97 հազար շահառուի համար կբարձրանան կենսաթոշակն ու նպաստը. բարձրացածը կստանան հոկտեմբեր ամսվա թոշակի հետ:
Մանրամասները՝ տեսանյութում։
