05.11.2026 | 21:28
Արսեն Ոսկանյանը նշանակվել է Համայնքային ոստիկանության գլխավոր վարչության պետ-ոստիկանության պետի տեղակալ
Տաքսու ամեն պատվերից պետտուրք կգանձվի․ փոխնախարար․ ՏԵՍԱՆՅՈՒԹ
Տնտեսություն
07.09.2022 | 16:14
Տաքսի ծառայությունը լիցենզավորվող գործունեություն է, կարող են լիցենզավորվել թե՛ ֆիզիկական անձինք, թե՛ անհատ ձեռնարկատերերը, թե՛ կազմակերպությունները: Այս մասին այսօր ԱԺ-ում լրագրողների հետ ճեպազրույցում նշեց ՏԿԵ փոխնախարար Արմեն Սիմոնյանը:
«Ունենք օնլայն հարթակներով իրականացվող փոխադրումներ, և այս ոլորտը կանոնակարգված չէ։ Այս առումով մեր նախարարությունը մշակել է օրենսդրական փոփոխությունների նախագիծ, որով օնլայն հարթակներով փոխադրումներ իրականացնող կազմակերպություններին տալիս ենք որոշակի կարգավիճակ: Նրանք գործունեության ծանուցման ենթակա կազմակերպություն պետք է դառնան, վճարեն պետական տուրք։ Նախարարությունն առաջարկում է նաև, որ ամեն փոխադրումից պետական տուրք գանձվի, և այդ պարտավորությունը դնել հենց օնլայն հարթակների վրա։ Առաջարկվող նախագծով ամեն փոխադրումից պետական տուրքի չափը կկազմի 100 դրամ: Դա քննարկելի է, վերջնական տարբերակը չէ»,- նշեց փոխնախարարը։
Նա հավելեց, որ սա կհանգեցնի տաքսի փոխադրումների՝ առնվազն 100 դրամով թանկացման:
Մանրամասները՝ տեսանյութում։
