16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Քննարկվել են ՀՀ կուտակային կենսաթոշակային համակարգին առնչվող խնդիրներին առնչվող հարցեր
Հասարակություն
07.09.2022 | 16:52
Աշխատանքի և սոցիալական հարցերի նախարար Նարեկ Մկրտչյանը հանդիպում է ունեցել «Ցե-Կվադրատ Ամպեգա Ասեթ Մենեջմենթ Արմենիա» ընկերության ներկայացուցիչների հետ. տեղեկացնում են ՀՀ աշխատանքի և սոցիալական հարցերի նախարարությունից։
Հանդիպման ընթացքում քննարկվել են ՀՀ կուտակային կենսաթոշակային համակարգին առնչվող խնդիրներին, այն ավելի արդյունավետ դարձնելու հնարավորություններին, համակարգի մասնակից ֆոնդերի կառավարիչների կողմից Հայաստանում կատարվող ներդրումների ուղղություններին և բովանդակությանն առնչվող մի շարք հարցեր։ Կողմերն ընդգծել են նաև կուտակային կենսաթոշակային համակարգի զարգացման ուղղությամբ անհրաժեշտ ջանքերի ներդրման կարևորությունը։
Պայմանավորվածություն է ձեռք բերվել առաջիկայում աշխատանքներ սկսել համատեղ և փոխադարձ հետաքրքրություն ներկայացնող նախաձեռնությունների, մասնավորապես՝ սոցիալական բնակարանաշինության ոլորտում պետություն-մասնավոր համագործակցության հաստատման, փորձի և գիտելիքի մեկտեղմամբ ծրագրերի մշակման և իրականացման շուրջ։
