07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
Միհրան Պողոսյանը հայտարարում է՝ մենաշնորհները վերացել են Կարեն Կարապետյանի օրոք. ՏԵՍԱՆՅՈՒԹ
Քաղաքականություն
23.05.2018 | 11:43
ԱԺ ՀՀԿ խմբակցության պատգամավոր Միհրան Պողոսյանը հայտարարում է՝ մենաշնորհները վերացել են Կարեն Կարապետյանի օրոք։
«Սա իմ կարծիքն է։ Չգիտեմ, գուցե տնտեսական զարգացման համար որոշակի լավ քայլեր Կարեն Կարապետյանի օրոք եղել են, վատ է եղել միգուցե, բայց այն, որ մենաշնորհների սառույցը Կարեն Կարապետյանի օրոք կոտրվեց, ես՝ որպես տնտեսագետ և որպես իրավաբան, կարող եմ փաստել»,- շարունակեց Միհրան Պողոսյանը:
Հստակեցնող հարցին՝ Կարեն Կարապետյանի օրոք նկատե՞լ է, որ բոլոր ներմուծողներն օրենքի առաջ հավասար են և մաքսազերծման ժաանակ չարաշահումներ չեն կատարվել, Պողոսյանը պատասխանեց. «Եթե կան այդպիսիք, որոնք որ որոշակի գործառույթներ են իրականացրել, որը օրենքին չի համապատասխանում՝ մի ապրանքը մյուսի փոխարեն են մաքսազերծել կամ ընդհանրապես չեն մաքսազերծել, ապա ես ջատագովն եմ, որ այդ բոլոր մարդիկ հայտնվեն վանդակների ներսում՝ դա կլինի ընդդիմությունից, թե իշխանությունից։ Ես մի բան գիտեմ՝ պետության բյուջեին կպնել չի կարելի»։
Մանրամասները՝ տեսանյութում:
