06.10.2026 | 17:37
«Կողք կողքի» միջազգային ներառական փառատոնի մասնակիցները Ազատության հրապարակում հանդես են եկել անվանի արտիստների հետ
Խնդիրներ են ստեղծվում միջազգային հարկային համագործակցության երկրների համար. ասում են՝ հավասար պայմաններ չեք ապահովել․ Պողոսյան․ ՏԵՍԱՆՅՈՒԹ
Տնտեսություն
06.09.2022 | 16:44
Հայաստանն անդամակցում է միջազգային մի շարք կառույցների, և մեր պետության հարկային համակարգը պետք է խնդիրներ չստեղծի անդամակից երկրների համար: Այս մասին այսօր ՀՀ ԱԺ տարածաշրջանային և եվրասիական ինտեգրման հարցերի մշտական հանձնաժողովի նիստում տեխնոլոգիական ոլորտի կազմակերպությունների պետական աջակցության նոր կառուցակարգին վերաբերող նախագծի քննարկման ժամանակ նշեց ՀՀ ֆինանսների նախարարի տեղակալ Արման Պողոսյանը։
Նրա խոսքով՝ Կառավարությունը հարկային արտոնությունը չի համարում տնտեսության այս կամ այն ոլորտի զարգացման ամենաարդյունավետ միջոցը։
«Միջազգային կազմակերպությունները մշտական մոնիթորինգի տակ են պահում մեր օրենսդրությունը, և մոտ երկու ամիս առաջ ստացանք արձագանք, այդ թվում նաև՝ ԵՄ համապատասխան հարթակներից, որ մեր օրենսդրությունում կան երկու դրվագներ, որոնք ստանդարտներին հակադրվում են և խնդիրներ են առաջացնում։ Դրանցից մեկը հավաստագրված ՏՏ ընկերությունների համակարգն է, խնդիրներ են ստեղծվում միջազգային հարկային համագործակցության երկրների համար. ասում են՝ հավասար պայմաններ չեք ապահովել․․․ Մյուս խնդիրը վերաբերում է ազատ տնտեսական գոտիներին․ նույն խնդիրն այնտեղ է»,- նշեց Պողոսյանը՝ հավելելով, որ նամակ-պարտավորագիր է ստորագրվել, որի համաձայն՝ մինչև 2023 թվականի ավարտը պետք է այլևս չունենանք այս խնդիրը։
Մանրամասները՝ տեսանյութում։
