26.08.2026 | 17:45
18-ամյա ֆուտբոլիստը 100 միլիոն եվրոյի դիմաց տեղափոխվեց «Մանչեսթեր Սիթի»
Հրայր Թովմասյանը հրավիրվել է դատախազություն․ Բաքուն դիմում է ՌԴ-ին՝ զենք գնելու համար․ Լուրեր
Քաղաքականություն
06.09.2022 | 16:25
- ՀՀ ՊՆ-ն այսօր հայտնել է, որ սեպտեմբերի 5-ի երեկոյան հայ-ադրբեջանական սահմանագոտու արևելյան հատվածում տեղակայված մարտական դիրքում, նախնական տվյալներով՝ հակառակորդի արձակած կրակոցից մահացու հրազենային վիրավորում է ստացել պարտադիր ժամկետային զինծառայող, կրտսեր սերժանտ Արման Գագիկի Սարգսյանը (ծնված 2002թ.): Փաստի առթիվ կայազորային քննչական բաժնում նախապատրատվում են նյութեր:
- Սահմանադրական դատարանի նախկին նախագահ, ՍԴ դատավոր Հրայր Թովմասյանը և ընտանիքի անդամները, ինչպես նաև փոխկապակցված երկու անձ հրավիրվել են ՀՀ Գլխավոր դատախազության Ապօրինի ծագում ունեցող գույքի բռնագանձման գործերով վարչություն։
- ՌԴ Ռազմատեխնիկական համագործակցության դաշնային ծառայությունից հայտնել են, որ Ադրբեջանի և Ռուսաստանի ռազմատեխնիկական համագործակցությունը զարգանում է բազմաթիվ ոլորտներում։ Բաքուն պարբերաբար դիմում է Մոսկվային զինատեսակների մատակարարման հարցով։
- Արցախի ԱԺ պատգամավորները ՀՀ գլխավոր դատախազ Արթուր Դավթյանին և ՀՀ քննչական կոմիտեի նախագահ Արգիշտի Քյարամյանին միջնորդություն են ներկայացրել՝ վերանայելու Միքայել Արզումանյանի նկատմամբ որպես խափանման միջոց կիրառված կալանավորումը և փոխարինել այն անազատության մեջ պահելու հետ չկապված խափանման միջոցով։
Այս ժամի լուրերը՝ տեսանյութում։
