11.01.2025 | 22:52
Վարչապետը առաջնահերթ է համարում խաղաղության գործընթացը, թվայնացումը և կոռուպցիայի դեմ պայքարը. ՏԵՍԱՆՅՈՒԹ
Պուտինը գալու է Հայաստան․ Փաշինյանը, Ավինյանը, Սիմոնյանը՝ ՔՊ վարչության թեկնածուների շարքում․ Լուրեր
Քաղաքականություն
06.09.2022 | 14:20
- Ռուսաստանի նախագահ Վլադիմիր Պուտինը պետական այցով Հայաստան կժամանի: Այցի հստակ ժամկետները չեն նշվում: Նախատեսված պետական այցի ու Երևանում կայանալիք ՀԱՊԿ Հավաքական անվտանգության խորհրդի նստաշրջանի կազմակերպման ընթացքը քննարկել են Հայաստանի և Ռուսաստանի ԱԳ նախարարները։
- Նրանց հանդիպումը կայացել է Արարատ Միրզոյանի՝ Մոսկվա այցի ընթացքում։ Սերգեյ Լավրովի հետ նրա հանդիպմանը մտքեր են փոխանակվել Հայաստանի և Ադրբեջանի միջև սահմանազատման և սահմանային անվտանգության հարցերի, տարածաշրջանում տնտեսական և տրանսպորտային ենթակառուցվածքների ապաշրջափակման աշխատանքների վերաբերյալ։ Հանգամանալից անդրադարձ է կատարվել Հայաստան-Ադրբեջան հարաբերությունների կարգավորմանը, Լեռնային Ղարաբաղի հակամարտությանը վերաբերող հարցերի:
- Սեպտեմբերի 18-ին կայանալիք «Քաղաքացիական պայմանագիր» կուսակցության համաժողովի ընթացքում ընտրվելու է կուսակցության վարչությունը։ ՔՊ-ն ներկայացրել է վարչության անդամի թեկնածուների ցանկը՝ բաղկացած 47 անունից, որոնց թվում են Նիկոլ Փաշինյանը, Տիգրան Ավինյանը, Սասուն Միքայելյանը, Սուրեն Պապիկյանը, Ալեն Սիմոնյանը և այլն։ ԱԳ նախարար Արարատ Միրզոյանը ցուցակում չկա։
Այս ժամի լուրերը՝ տեսանյութում։
