16.01.2025 | 15:03
Փաշինյանը Դավոս կմեկնի, Փարաքարում մարտի 31-ին արտահերթ ընտրություններ կանցկացվեն․ ԼՈՒՐԵՐ
Քննարկվել է «Օտարերկրյա ներդրումների մասին» ՀՀ օրենքում փոփոխություն կատարելու մասին օրենքի նախագիծը
Տնտեսություն
22.05.2018 | 19:36
Մայիսի 22-ին ՀՀ տնտեսական զարգացման և ներդրումների նախարարությունում կայացել է աշխատանքային քննարկում նախարար Արծվիկ Մինասյանի, նախարարության համապատասխան պատասխանատուների և Համաշխարհային բանկի խմբի անդամ Միջազգային ֆինանասկան կորպորացիայի /IFC/ ներկայացուցիչների մասնակցությամբ. տեղեկացնում է նախարարության լրատվական ծառայությունը:
Քննարկման առանցքում «Օտարերկրյա ներդրումների մասին» ՀՀ օրենքում փոփոխություն կատարելու մասին օրենքի նախագիծն էր, որով կարգավորում են Հայաստանի Հանրապետության տարածքում օտարերկրյա ներդրումների իրականացման, խրախուսման, պաշտպանության և կառավարման հետ կապված հարաբերությունները: Օրենքի նպատակը կարգավորող միջավայրի թափանցիկության և երկրի մրցունակության բարձրացման, Հայաստանում իրականացվող ներդրումների ծավալների մեծացման, օտարերկրյա պետությունների հետ տնտեսական համագործակցության զարգացման խթանման, ինչպես նաև օտարերկրյա ներդրողների իրավունքների, օրինական շահերի, գույքի պաշտպանության ապահովումն է։
