18.08.2026 | 23:01
Չեմ հիշում իմ աշխատանքային պարտականություններում օրենքով ինչ էր նախատեսված. Չախոյան. ՏԵՍԱՆՅՈՒԹ
Զելենսկին խոսել է երեք բնակավայրերի ազատագրման մասին
Քաղաքականություն
05.09.2022 | 11:55
Ուկրաինայի նախագահ Վլադիմիր Զելենսկին երեկոյան տեսաուղերձում հայտնել է, որ ուկրաինացի զինվորականներն ազատագրել են երկու բնակավայր հարավային ուղղությամբ և մեկը Դոնեցկի շրջանում՝ առաջխաղացում գրանցելով Լիսիչանսկ-Սևերսկ ուղղությամբ։
«Այսօր ուզում եմ շնորհակալություն հայտնել տարածքային պաշտպանության 103-րդ բրիգադի 63-րդ գումարտակի մարտիկներին, ովքեր արդյունք են ապահովել Դոնեցկի շրջանում՝ ազատագրվել է բնակավայրը, 54-րդ բրիգադը նույնպես լավ քայլեր է կատարել Լիսիչանսկ-Սևերսկ ուղղությամբ, շարժվել է առաջ, զբաղեցրել որոշակի բարձունքներ: Կցանկանայի նաև հիշատակել 42-րդ առանձին մոտոհրաձգային գումարտակը, որի հերոսական գործողությունների շնորհիվ մեր պետության հարավում ազատագրվեցին երկու բնակավայրեր»,- ասել է Զելենսկին։
DW-ի հաղորդմամբ՝ ըստ երևույթին, Զելենսկու ելույթը վերաբերում էր Դոնեցկի շրջանի Օզեռնոյե գյուղի ազատագրմանը. նախօրեին Ուկրաինայի ազգային գվարդիականները տեսագրություն էին տարածել՝ հայտարարելով այս բնակավայրի ազատագրման մասին։
Տաթև Ֆռանգյան
