14.11.2024 | 23:29
ՀՀ էկոնոմիկայի փոխնախարարի գլխավորած պատվիրակությունն այցելել է Չաբահար նավահանգիստ
Ադրբեջանի բանակի գեներալ է ձերբակալվել
Քաղաքականություն
02.09.2022 | 12:45
Ադրբեջանի Զինված ուժերի բարձրաստիճան սպա է ձերբակալվել։ Ադրբեջանական լրատվամիջոցները հաղորդում են, որ իրավապահ մարմինները ձերբակալել են Զինված ուժերի գերենալ-մայոր Բեքիր Օրուջևին՝ ՊՆ անձնակազմի գաղափարական աշխատանքի ու բարոյահոգեբանական ապահովման վարչության պետի ժամանակավոր պաշտոնակատարին։
Ձերբակալման պատճառները չեն նշվում, սակայն, որոշ տվյալներով, ադրբեջանցի գեներալը «Տերտերի գործով» կասկածյալներից է։ Ի դեպ, Օրուջևն ավելի վաղ եղել է Ջամշիդ Նախիջևանսկիի անվան ռազմական վարժարանի ղեկավարը։
Հավելենք, որ Ադրբեջանի իշխանությունները հասարակության բողոքների ու ճնշման արդյունքում վերաբացել են ադրբեջանցի զինծառայողների զանգվածային խոշտանգումներին առնչվող «Տերտերի գործը»։ Ապրիլյան պատերազմից հետո՝ 2017-ին ավելի քան 100 զինվորներ զորամասում խոշտանգումների էին ենթարկվել, նրանցից պահանջել էին «խոստովանել հօգուտ Հայաստանի լրտեսություն անելը»։
Էմմա Չոբանյան
