17.05.2026 | 23:35
Հենրիխ Մխիթարյանը՝ «Ինտեր» – «Վերոնա» հանդիպման լավագույն ֆուտբոլիստ․ ՏԵՍԱՆՅՈՒԹ
Ամենամեծ ցավն ապրեցի, երբ վերջին անգամ զանգեց, ասաց՝ մա՛մ, լավ եմ․ հերոսացած Արման Խաչատրյանի մայր․ ՏԵՍԱՆՅՈՒԹ
Հասարակություն
01.09.2022 | 15:15
Երևանի թիվ 40 դպրոցում դասասենյակների անվանակոչության արարողություն է․ 44-օրյա պատերազմում նահատակված Համլետ Հովհաննիսյանի և Արման Խաչատրյանի անուններով դասասենյակների անվանակոչումով նպատակ է դրված վառ պահել նրանց անունն ու գործը։ Այն դասասենյակները, որտեղ Համլետն ու Արմանն են սովորել, ըստ դպրոցի ղեկավարների, կոգեշնչեն աշակերտներին` լինելու հայրենատեր և ազգային արժեքներն իրենց մեջ կրող քաղաքացիներ։
«Շատ ահավոր ցավ եմ ապրում: Ամենամեծ ցավն ապրեցի, երբ վերջին անգամ զանգեց, ասաց՝ մա՛մ, լավ եմ: Տառապում եմ նրա հետ կապված ամեն մի հուշից…»,- լրագրողների հետ զրույցում ասաց հերոսացած Արման Խաչատրյանի մայրը։
«Արմանը փոքրուց էր տարվել ռազմական գործով, 13 տարեկանից գնաց ԵԿՄ, ուզում էր զինվորական դառնալ: Ասում էր՝ բանակում ծառայությունը որ ավարտեմ, չեմ գալու տուն: Արմանը տանկի նշանառու էր: Չհասցրեց ո՛չ գալ, ո՛չ մնալ:
Եղբայրս էլ զոհվել է արցախյան առաջին պատերազմում: Արմանը սիրում էր լսել նրա մասին պատմությունները: Այդպես էլ շարունակեց նրա գործը, ու մինչև վերջ էլ մնաց հայրենիքի հետ»,-նշեց հերոսացած հայորդու մայրը:
Մանրամասները՝ տեսանյութում:
