05.11.2026 | 00:08
Ինչ է որոշել ընդդիմությունը. Նարեկ Կարապետյանը հանդիպումից հետո մանրամասներ հայտնեց. ՏԵՍԱՆՅՈՒԹ
Միշելը՝ Փաշինյան-Ալիև հանդիպման մասին․ Արզումանյանը կալանավորվեց Շուշիի մարտերի գործով․ Լուրեր
Քաղաքականություն
01.09.2022 | 12:32
- Բրյուսելում Հայաստանի վարչապետ Նիկոլ Փաշինյանի և Ադրբեջանի ղեկավար Իլհամ Ալիևի հետ եռակողմ հանդիպման արդյունքներով Եվրոպական խորհրդի ղեկավար Շառլ Միշելը հայտարարել է, որ կողմերը համաձայնել են առարկայական աշխատանք սկսել՝ առաջխաղացում ապահովելու խաղաղության պայմանագրի շուրջ, որը կկարգավորի Հայաստանի և Ադրբեջանի միջպետական հարաբերությունները։ Միշելը նաև հայտնել է, որ ադրբեջանական կողմին շեշտել է հայ գերիների ազատ արձակման կարևորությունը։
- Արցախի ՊԲ նախկին հրամանատար, Արցախի Հանրապետության նախագահի խորհրդական Միքայել Արզումանյանը կալանավորվել է։ Այս մասին տեղեկացրել է նրա փաստաբան Երեմ Սարգսյանը։ Արզումանյանը, ըստ քննչական կոմիտեի, մեղադրվում է 2020 թվականի պատերազմի ժամանակ Շուշիի և հարակից շրջանների պաշտպանության կազմակերպման ընթացքում իր ծառայողական պարտականությունների նկատմամբ անփույթ վերաբերմունքի համար։
- Ոստիկանության պարեկային ծառայության պետ Արթուր Ումրշատյանը հայտնել է, որ ծառայությունն ուսումնական տարվա սկզբի հետ կապված հասարակական կարգի պահպանության և ճանապարհային երթևեկության անվտանգության ապահովման ուժեղացված ծառայություն է իրականացնելու մայրաքաղաքի ու մարզերի դպրոցամերձ տարածքներում ու փողոցներում:
Այս ժամի լուրերը՝ տեսանյութում։
