08.06.2026 | 10:29
Սվետլանա Տիխանովսկայան շնորհավորել է Նիկոլ Փաշինյանին
Կառավարությունը 654 ավտոմեքենա կհանի վաճառքի. 200 մլն դրամի եկամուտ է կանխատեսում․ ՏԵՍԱՆՅՈՒԹ
Տեսանյութեր
01.09.2022 | 12:23
Պետական կառավարման մարմիններում կուտակված չշահագործվող 654 ավտոմեքենա առաջիկայում կհանվի աճուրդի։ Այս մասին այսօր ՀՀ կառավարության նիստում հայտնեց ՏԿԵ նախարար Գնել Սանոսյանը` ներկայացնելով համապատասխան որոշման նախագիծը։
«Առաջիկայում մոտ 200 մլն դրամ կարող է դրա արդյունքում բյուջե մտնել»,-նշեց Սանոսյանը։
Վարչապետ Նիկոլ Փաշինյանը հետաքրքրվեց, թե արդյոք ավտոմեքենաներն այն վիճակում են, որ վաճառվեն։
Պետական գույքի կառավարման կոմիտեի նախագահ Առնակ Ավետիսյանը վստահություն հայտնեց, որ վաճառք կլինի, բայց թերահավատություն հայտնեց գնի վրաբերյալ։
Գինն աճուրդային եղանակով հնարավոր կլինի այնքան իջեցնել, որ նույնիսկ այն մեքենաները, որոնք փաստացի մետաղի ջարդոն են, հնարավոր կլինի վաճառել»,- նշեց Ավետիսյանը: Նա նաև հայտնեց, որ օտարվող մեքենաների մեջ կան ուղղակի վերանորոգման կարիք ունեցող մեքենաներ, որոնք հետո հնարավոր է շահագործել։ Բայց պետությունը դրանք պահպանելու համար մեծ ծախսեր է կատարում, ուստի և նպատակահարմար չէ դրանք պետության հաշվեկշռում պահելը։
Մանրամասները՝ տեսանյութում:
