06.11.2026 | 23:24
Նոյեմբերի 7-ին ՊԵԿ էլեկտրոնային համակարգերը երկու ժամով անհասանելի կլինեն
Միշելը զրուցել է Փաշինյանի և Ալիևի հետ․ նախարարը՝ «Սուրմալու»-ում տուժածներին օգնելու մասին․ Լուրեր
Քաղաքականություն
30.08.2022 | 16:36
- Եվրոպական խորհրդի նախագահ Շառլ Միշելը հայտնել է, որ հեռախոսազանգեր է ունեցել ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի հետ։ Դրանք նախապատրաստական զանգեր են եղել կողմերի միջև վաղը Բրյուսելում կայանալիք հանդիպումից առաջ։
- ՀՀ ԱԳՆ հայտարարություն է տարածել Բռնի անհետացումների զոհերի միջազգային օրվա վերաբերյալ, որում նշել է, որ Ադրբեջանի իշխանությունների կողմից համագործակցության բացակայությունն անհնարին է դարձնում անհայտ կորած անձանց թվի ճշգրիտ գնահատումը։ ԱԳՆ-ից միջազգային հանրությանը կոչ են անում պատասխանատվություն ստանձնել Լեռնային Ղարաբաղի ողջ տարածք անվերապահ մուտքի ապահովման համար, ինչը կարող է մեղմել առկա հումանիտար ճգնաժամը։
- Աշխատանքի և սոցիալական հարցերի նախարար Նարեկ Մկրտչյանը հայտնել է, որ իրենց առաջարկած նախագծի համաձայն «Սուրմալու» առևտրի կենտրոնում տեղի ունեցած պայթյունից և հրդեհից տուժածներին կտրվի օգնություն․ հիվանդանոցում հայտնվածներին՝ 150-300 հազար դրամ, զոհվածների ընտանիքներին՝ 1 մլն կամ 3 մլն դրամ։
Այս ժամի լուրերը՝ տեսանյութում։
