Ոստիկանները կատարել են իշխանությունների հրահանգները․ Դանիել Իոաննիսյան․ ՏԵՍԱՆՅՈւԹ

«Օրինականության ամենաբարձր մակարդակ ունեցող հավաք էր»,- «Ուկրաինայում Ռուսաստանի ագրեսիայի դեմ բողոքող քաղաքացիներին ոստիկանությունը բերման ենթարկեց. ինչո՞ւ» թեմայով առցանց քննարկման ժամանակ այս կարծիքը հայտնեց «Իրազեկ քաղաքացիների միավորում» ՀԿ ծրագրերի համակարգող Դանիել Իոաննիսյանը՝ անդրադառնալով երեկ կազմակերպված Ուկրաինայում ռուսաստանյան ագրեսիան դատապարտող հավաքին։

Իոաննիսյանի դիտարկմամբ՝ Հայաստանում վաղուց այդ աստիճանի օրինական կազմակերպված հավաք չէր եղել. «Եզակի են այն դեպքերը, երբ հավաքի կազմակերպիչները, հարգելով ՀՀ օրենքի պահանջը, նաև իրազեկում են ներկայացնում քաղաքապետարան: Այս հավաքի կազմակերպիչներն իրազեկել էին, հավաքը խախաղ էր:

Ոստիկանները, միակ բանը, որ պետք է անեին, հավաքի կայացմանն աջակցելն էր: Բայց նրանք սկսեցին բերման ենթարկել հավաքի այն մասնակիցներին, ում ձեռքին պաստառ կար և արգելեցին, որ երթ ընթանա:

Մինչ այդ ռուսական որոշ շրջանակներ դժգոհություն էին արտահայտել երթի արտոնման կապակցությամբ:

Ոստիկանության ապօրինությունները դուրս են ՀՀ ոստիկանություն – ցուցարար համատեքստից: Մեր ոստիկանությունը խաղաղ, իրազեկված հավաքների նկատմամբ այսպիսի պահվածք չի ցուցաբերել»,- նշեց Իոաննիսյանը:

«ՌԴ դեսպանի կապրիզով Երևանում չի կարող ցույց ցրվել»,- ընդգծեց Իոաննիսյանը: -Ինչպե՞ս կարող է այլ երկրի դեսպանի կապրիզը ունենալ ավելի մեծ ուժ, քան մեր օրենքները, մեր Սահմանադրությունը. սա է ամենամեծ խնդիրը»:

Մանրամասները՝ տեսանյութում: